مقبوضہ کشمیر، گذشتہ ماہ بھارتی فوج نے 2 بچوں اور خاتون سمیت 33 کشمیریوں کو شہید کیا

0

سرینگر:  مقبوضہ کشمیر میں ماہ اپریل کے دوران بھارتی فوج نے 2 بچوں اور خاتون سمیت 33 کشمیریوں کو شہید کیا اور 152 افراد زخمی ہوئے۔کشمیر میڈیا سروس کے مطابق اپریل کے مہینے میں بھی بھارتی ظلم جاری رہا، کورونا وائرس کے باوجود بھارتی فوج کے مظالم میں کمی نہ ا?ئی۔ گزشتہ سال اگست سے لاک ڈاون میں محصور کشمیریوں کو پہلے ہی اشیائے خورونوش کی شدید قلت کا سامنا ہے۔ اس کے باوجود قابض فوج نے انسانی حقوق کو پامال کرتے ہوئے 2 بچوں اور خاتون سمیت 33 کشمیریوں کو شہید کردیا، یہیں پر بس نہیں کیا بلکہ 152 افراد کو زخمی بھی کر دیا۔ماہ اپریل میں سیاسی کارکنوں سمیت 845 افراد کو گرفتار کیا گیا، 2 بچے یتیم اور ایک خاتون بیوہ ہوئی، ظالم فوج نے 44 گھروں کو بھی مسمار کر دیا۔

Leave A Reply

Your email address will not be published.