وزیراعظم عوام کو ریلیف دینے میں ناکام رہے، مریم اورنگزیب

0

لاہور : ترجمان مسلم لیگ (ن) مریم اورنگزیب نے کہا ہے کہ عمران صاحب کا بحثیت وزیراعظم اپنے ہی فیصلوں کے خلاف اعلان پریشان کن ہے۔تفصیلات کے مطابق اپنے ایک بیان میں مریم اورنگزیب نے وزیراعظم سے سوال کیا کہ حکمران تو آپ ہیں ، تو یہ حکمران اشرفیہ کون ہیں جنہوں نے لاک ڈاؤن کیا،واضح کیا جائے کہ لاک ڈاون کا فیصلہ اگر وزیراعظم نے نہیں کیا تو پھر کس نے کیا۔لیگی ترجمان نے کہا کہ وزیراعظم مزدور، دیہاڑی دار اور عوام کو ریلیف دینے میں ناکام اور آج تک ڈاکٹرز اور طبی عملے کو حفاظتی سامان فراہم نہیں کرسکے اور نہ ہی لاک ڈاؤن کے ساتھ کوئی بھی مضبوط اور مربوط معاشی و ریلیف کی حکمتِ عملی بناسکے۔مریم اورنگزیب نے کہا کہ ملک اور قوم جب تک کورونا کی وبا سے لڑ رہے ہیں وزیر اعظم ٹی وی پر نہ ہی بولیں تو بہتر ہے۔

Leave A Reply

Your email address will not be published.