رمضان شوگر ملز کیس، حمزہ شہباز کے جوڈیشل ریمانڈ میں 9 اگست تک توسیع

رمضان شوگر ملز کیس، حمزہ شہباز کے جوڈیشل ریمانڈ میں 9 اگست تک توسیع

لاہور(زیبائے پاکستان آئی این پی ) احتساب عدالت نے رمضان شوگر ملز کیس میں حمزہ شہباز کے جوڈیشل ریمانڈ میں 9 اگست تک توسیع کر دی۔احتساب عدالت میں رمضان شوگر ملز کیس کی سماعت ہوئی۔ جج نے حمزہ شہباز سے استفسار کیا کیا اپ کچھ کہنا چاہتے ہیں، جس پر حمزہ شہباز نے کہا ایک آدمی ہوں، نیب سے کہوں گا کرپشن ثابت کریں، نیب قیامت تک کرپشن ثابت نہیں کر سکتا، جس دن کرپشن ثابت ہو گئی عدالت اور پوری قوم سے معافی مانگوں گا۔ادھر شہباز شریف نے حاضری سے استثنی کی درخواست دائر کی۔ درخواست میں موقف اپنایا گیا کہ شہباز شریف سینیٹ الیکشن میں مصروف ہیں۔نیب عدالت میں پیشی کے موقع پر میڈیا سے گفتگو کرتے ہوئے حمزہ شہباز کا کہنا تھا کہ حکومت ہر میدان میں ہار چکی ہے۔چیئرمین سینیٹ کے حوالے سے پوچھے گئے سوال پر حمزہ شبہاز کا کہنا تھا کہ نے آج اپوزیشن کا چیئرمین منتخب ہو جائے گا، اچھے کی امید رکھنی چاہیے اور آج بھی بہتر ہی ہو گا۔حکومت کو تنقید کا نشانہ بناتے ہوئے رہنما ن لیگ کا کہنا تھا کہ ان لوگوں نے عوام کی زندگی اجیرن کر دی ہے، کہتے ہیں کہ روٹی سستی کرو، آج پٹرول مہنگا کر دیا تو روٹی سستی کیسے ہو گی؟حمزہ شہباز کا کہنا تھا کہ اس حکومت کے جھوٹ اِن کے گلے کا پھندا بننے والے ہیں۔انہوں نے کہا کہ پوری اپوزیشن کو گرفتار کر لیں لیکن ان سے حکومت پھر بھی نہیں چلنے والی۔

اپنا تبصرہ بھیجیں