ایران سے دوہزار سے زائد زائرین تفتان بارڈر پہنچ گئے

0

دالبندین ( این این آئی)ایران سے دوہزار سے زائد زائرین تفتان بارڈر پہنچ گئے زائرین کو اسکریننگ کے بعد پاکستان ہاوس میں رکھا جارہا ہے۔ محکمہ صحت کے مطابق ایران سے آنے والے زائرین کی تعداد تفتان بارڈر میں دو ہزار سے تجاوز کر گئے ایران سے آنے والوں کی مکمل اسکریننگ اور طبی چیک اپ کیا جارہا ہے اب تک دو ہزار سے زائد زائرین کی اسکریننگ مکمل ہوچکی ہے ادھر زائرین بروز پیر انتظامیہ کے خلاف شدید احتجاج کیا زائرین کا موقف تھا اسکریننگ کے بعد ہمیں اپنے شہروں میں جلداز جلد روانہ کیا جائے تاکہ مزید آنے والے زائرین کو پریشانی نا ہوں زائرین نے تفتان بازار میں ریلی نکالی گئی اور شدید مظاہرہ کیا۔ دوسری جانب زائرین کی تفتان بازار میں داخل ہونے پر تفتان بازار کے تاجر برادری نے بھی دوکانیں بند کرکے احتجاج کیا تاجروں کا کہنا تھا زائرین کو پاکستان ہاوس تک محدود رکھے اس طرح زائرین کو بازار میں گھومنے پھرنے دینے سے عوام میں تشویش پھیل جاتا ہے ۔تاجر برادری کی جانب سے حاجی خدا نظر نے مقامی میڈیا سے گفتگو کرتے ہوئے بتایا زائرین کو انتظامیہ باہر آنے نا دیں اس طرح زائرین کا آزادانہ گھو منے پھرنے سے عوام کو پریشانی کا سامنا کرنا پڑھ رہا ہے بعد ازہ انتظامیہ نے دونوں سے مزکرات کرکے  مشتعل مظاہرین کو منتشر کردیا اس متعلق ضلعی اور مقامی انتظامیہ کو بار بار فون کرنے کی کوشش کی گئی  تاکہ انتظامیہ کا  موقف معلوم ہوسکیں زائرین پاکستان ہاوس کے قرنطینہ سے کیسے باہر آگئے مگر انتظامیہ کی جانب سے کسی نے بھی فون اٹینڈ نہیں کیا اور اپنا موقف دینا گوارہ نہیں سمجھا یاد رہے ایران میں کرونا وائرس کے پیش نظر تفتان بارڈر نویں روز بھی بند رہا صرف زائرین اور راہداری کے ذریعے آنے والوں کے لیئے کھلا رکھا ہے ۔

Leave A Reply

Your email address will not be published.