پیپلز پارٹی کی سینیٹر روبینہ خالد پر کرپشن ریفرنس میں فرد جرم عائد

پیپلز پارٹی کی سینیٹر روبینہ خالد پر کرپشن ریفرنس میں فرد جرم عائد

اسلام آباد(زیبائے پاکستان آن لائن)احتساب عدالت نے پیپلز پارٹی کی سینیٹر روبینہ خالد پر نیب ریفرنس میں فرد جرم عائد کردی۔احتساب عدالت اسلام آباد کے جج محمد بشیر نے لوک ورثہ کرپشن ریفرنس کی سماعت کی۔ پیپلز پارٹی کی سینیٹر روبینہ خالد اور لوک ورثہ کے سابق افسران مظہرالسلام، تابندہ ظفر اور محمد شفیع عدالت میں پیش ہوئے۔عدالت نے تمام ملزمان پر فرد جرم عائد کردی تاہم سب نے صحت جرم سے انکار کردیا۔ عدالت نے اگلی سماعت پر ایک گواہ کو طلب کرتے ہوئے ریفرنس کی سماعت 4 ستمبر تک ملتوی کردی۔ملزمان پر لوک ورثہ کے فنڈز میں خورد برد اور قومی خزانے کو 30 ملین کا نقصان پہنچانے کا الزام ہے

اپنا تبصرہ بھیجیں