مقبوضہ کشمیر، غبارے سے بندھا دھمکی آمیز خط موصول،بھارتی پولیس حواس کھو بیٹھی

مقبوضہ کشمیر، غبارے سے بندھا دھمکی آمیز خط موصول،بھارتی پولیس حواس کھو بیٹھی

سری نگر:  مقبوضہ کشمیر میں ایک غبارے کے ساتھ بندھے دھمکی آمیز خط نے بھارتی پولیس کو حواس باختہ کردیا، بھارتی پولیس نے خط برآمد کرکے تحقیقات شروع کردی ہے، پولیس ہر زاویے کو مدنظر رکھ کر کام کررہی ہے اور دھمکی آمیر خط کو غیر سنجیدہ نہیں لے رہی ہے۔انہوں نے کہا کہ یہ ایک سنجیدہ معاملہ ہے اورہم نے ہرقسم کی احتیاطی تدابیر کر رکھی ہیں۔ بین الاقوامی خبر رساں ادارے کے مطابق مقبوضہ کشمیر میں ایک غبارے کے ساتھ بندھے دھمکی آمیز خط نے بھارتی پولیس کو حواس باختہ کردیا، بھارتی پولیس نے خط برآمد کرکے تحقیقات شروع کردی ہے۔ غبارے سے بندھا دھمکی آمیز خط مبینہ طور پر جموں کے علاقے چھنی ہمت میں ایک مکان پر گرا تھا۔ایس ایس پی جموں تیجندر سنگھ اور ایس ایس پی سٹی سائوتھ وِنے شرما اطلاع ملتے ہی پولیس ٹیموں کے ہمراہ جائے وقوعہ پر پہنچ گئے۔ونے شرما نے میڈیا سے گفتگو کرتے ہوئے کہا کہ پولیس ہر زاویے کو مدنظر رکھ کر کام کررہی ہے اور دھمکی آمیر خط کو غیر سنجیدہ نہیں لے رہی ہے۔انہوں نے کہا کہ یہ ایک سنجیدہ معاملہ ہے اورہم نے ہرقسم کی احتیاطی تدابیر کر رکھی ہیں۔ پولیس ذرائع کے مطابق غبارہ پاکستان کی طرف سے چھنی ہمت نہیں پہنچ سکتا اور لگتا ہے اس کو مقامی طورپر چھوڑا گیا ہے۔ذرائع نے کہا کہ عام طور پر دھمکی آمیز خط اردو میں لکھے ہوتے ہیں تاہم یہ خط انگریزی میں لکھا ہوا تھا اور صرف دو سطریں اردو میں لکھی تھیں۔

اپنا تبصرہ بھیجیں