کراچی میں سرچ آپریشن، 9 ملزمان گرفتار

کراچی میں سرچ آپریشن، 9 ملزمان گرفتار

کراچی(زیبائے پاکستان آن لائن)کراچی کے علاقے زمان ٹائون سے پولیس نے سرچ آپریشن کے دوران 9ملزمان کو گرفتارکرلیا،جبکہ موچکو سے کارروائی کے دوران گاڑی سے لاکھوں روپے مالیت کی اعلیٰ کوالٹی کی منشیات برآمد کرلی گئی۔ فائرنگ سمیت دیگر واقعات میں 2افراد بھی زخمی ہوگئے۔پولیس نے کراچی کے علاقے زمان ٹائون میں جرائم پیشہ افراد کی اطلاع پر سرچ آپریشن کیا اورآپریشن کے دوران علاقے کے داخلی خارجی راستے سیل کرکے،گھر گھر تلاشی لی گئی، مشتبہ افراد کی بائیومیٹرک تصدیق اور کوائف کی جانچ پڑتال بھی کی گئی اور آپریشن کے دوران ایک مفرور ملزم سمیت 9ملزمان کو گرفتار جبکہ 8افراد کو حراست میں لے کرزمان ٹائون تھانیمنتقل کردیاگیا۔گرفتارملزمان سے چوری کی موٹرسائیکلیں اورمنشیات بھی برآمد کرلی گئی۔علاوہ ازیں ملیر سعود آبادمیں بھی سرچ آپریشن کیا گیا تاہم کوئی گرفتاری عمل میں نہیں آسکی۔ رئیس گوٹھ میں موچکو پولیس نے ایک کارروائی میں گاڑی سے 70 لاکھ روپیمالیت کی اعلیٰ کوالٹی کی منشیات برآمد کرلی۔حکام کے مطابق منشیات بلوچستان سے کراچی اسمگل کی جارہی تھی ،پولیس نیخفیہ اطلاع پر موچکو روڈ پر کار کو رکنے کا اشارہ کیا تاہم کار میں سوار دو ملزمان کار کو اندھیری جگہ پر چھوڑکر فرار ہوگئے، پولیس نے کار اورمنشیات کو تحویل میں لیلیا ہے۔دوسری جانب سچل گوٹھ چاکرہوٹل کیقریب ڈکیتی مزاحمت پر فائرنگ سے 30سال کا شریف الدین اور شیرشاہ عالمگیر ہوٹل کے قریب ذاتی جھگڑے میں تیزدھار آلے کے وار سے 25سال کا فضل کریم زخمی ہوگئے۔ جنہیں طبی امداد کے لیے عباسی شہید اسپتال منتقل کردیاگیا۔

اپنا تبصرہ بھیجیں