امریکا، سیکیورٹی گارڈ نے بغیر ماسک لگائے اسٹور میں داخلے پر گولی مار دی

0

مشی گن:  امریکا میں ایک گاہک کے بغیر ماسک لگائے سپر اسٹور میں داخل ہونے کی کوشش کے دوران تلخ کلامی پر سیکیورٹی گارڈ نے فائرنگ کرکے گاہک کو ہلاک کردیا۔عالمی خبر رساں ادارے کے مطابق امریکی ریاست مشی گن کے شہر فلنٹ میں ڈالر سپر اسٹور پر گارڈ کی فائرنگ سے شدید زخمی ہونے والے 43 سالہ شخص نے زخموں کی تاب نہ لاتے ہوئے اسپتال میں دم توڑ دیا۔سوشل میڈیا پر وائرل ہونے والی ویڈیو میں دیکھا جا سکتا ہے کہ ڈالر سپر اسٹور کے مرکزی دروازے پر کھڑے سیکیورٹی گارڈ اور ایک گاہک کے درمیان تکرار جاری ہے اور اسی دوران گارڈ نے گاہک پر فائرنگ کردی۔سماجی رابطے کی ویب سائٹس پر مذکورہ ویڈیو اپ لوڈ کرنے والے صارفین نے دعوی کیا کہ سیکیورٹی گارڈ نے شہری کو ماسک لگائے بغیر اسٹور میں داخل ہونے سے منع کردیا تھا جس پر تلخ کلامی ہوئی۔ پولیس نے شہری کی ہلاکت کے بعد مقدمہ درج کر کے ملزم کو گرفتار کر لیا ہے۔واضح رہے کہ کورونا وائرس کی وجہ دنیا بھر میں سب سے زیادہ ہلاکتیں امریکا میں ہوئی ہیں جہاں اس مہلک وائرس سے 60 ہزار سے زائد افراد ہلاک ہوچکے ہیں جب کہ لاکھ سے زائد بیمار ہیں۔

Leave A Reply

Your email address will not be published.