حکومت کا پاکستان انویسٹمنٹ بونڈز کے ذریعے 300 ارب روپے اکٹھا کرنے کا فیصلہ

حکومت کا پاکستان انویسٹمنٹ بونڈز کے ذریعے 300 ارب روپے اکٹھا کرنے کا فیصلہ

اسلام آباد(زیبائے پاکستان آن لائن )وفاقی حکومت، پاکستان انویسٹمنٹ بونڈز کے ذریعے 300 ارب روپے اکٹھا کرنے کے علاوہ آئندہ 3 ماہ کے عرصے میں ٹریژری بلز کی نیلامی کے ذریعے 64 کھرب روپے حاصل کرنے کا ارادہ رکھتی ہے۔اسٹیٹ بینک کی جانب سے ٹریژری بلز اور پاکستان انویسٹمنٹ بانڈز (پی آئی بی) کی نیلامی کا کلینڈر جاری کرتے ہوئے 64 کھرب روپے اکٹھے کرنے کے منصوبے کا اعلان کیا گیا جس میں ٹریژری بلز کی پختگی کی رقم 63 کھرب 69 ارب روپے ہوگی۔واضح رہے کہ عالمی مالیاتی فنڈ (آئی ایم ایف) سے سمجھوتے کے بعد مرکزی بینک نے حکومت کو رقوم کی فراہمی کا سلسلہ روک دیا، جس کے باعث حکومت بجٹ سپورٹ اور دیگر اخراجات کے لیے بڑی حد تک بینکوں پر انحصار کرتی ہے۔31 جولائی کو ہونے والی ٹریژری بل کی آخری نیلامی سے حکومت 8 کھرب 86 ارب 80 کروڑ روپے اکٹھا کیے تھے جس میں سے زیادہ تر رقوم 3 ماہ کی مختصر مدت کے ٹریژری بلز سے حاصل کی گئی تاہم اکٹھا ہونے والی رقم 15 کھرب روپے کے ہدف سے کہیں کم تھی کیوں کہ بینک 6 ماہ اور 12 ماہ کی مدت سے گریزاں تھے۔استیٹ بینک نے پاکستان انویسٹمنٹ بونڈ کی نیلامی کا کلینڈر بھی جاری کیا جس کے مطابق اسن طریقوں سے 300 ارب روپے اکٹھا کرنے کے لیے نیلامی اگست سے اکتوبر کے عرصے کے دوران ہوگی۔تاہم یہ رقم بونڈز کی میچیورٹی کی رقم سے کہیں زیادہ ہے جو 92 ارب 29 کروڑ 20 لاکھ روپے ہے جبکہ حکومت اضافی 2 کھرب 7 ارب 70 کروڑ روپے لیکویڈٹی کی ضرورت کے پیشِ نظر پاکستان انویسمنٹ بونڈز سے اکٹھا کرے گی۔مالیاتی حلقوں کا خیال ہے کہ حکومت کے پاس پورے مالی سال کے دوران بینکوں سے قرض لینا جاری رکھنے کے سوا اور کوئی چارہ نہیں ہوگا۔خیال رہے کہ اسٹیٹ بینک سالوں سے حکومت کی مالیات کا سب سے بڑا ذریعہ تھا جسے ہر سال بھاری اخراجات اور ریونیو کی کمی کے باعث مالی خسارے کا سامنا کرنا پڑتا تھا۔اسی طرح گزشتہ مالی سال کے دوران حکومت نے اسٹیٹ بینک سے 27 کھرب روپے ادھار لیا جس سے افراطِ زر پر دبا پڑا۔اگر حکومت کمرشل بینکوں سے بھاری رقوم ادھار لینا جاری رکھے گی تو بالآخر اس شعبے کی لیکویڈٹی سکڑ جاء گی جس سے نجی شعبے کی ادھار لینے کی صلاحیت محدود ہوجائے گی۔

اپنا تبصرہ بھیجیں