اسلام آباد (زیبائے پاکستان آئی این پی) پاکستان مسلم لیگ (ن) کے صدر اور قائد حزب اختلاف شہباز شریفنے سابق وزیر خزانہ مفتاح اسماعیل کی گرفتاری کی مذمت کرتے ہوئے کہا ہے کہ حکومت نے سیاسی انتقامی اندھیرنگری مچا رکھی ہے ‘ مفتاح اسماعیل ایک انتہائی قابل، ایماندار اور محب وطن وطن شخص ہیں ۔ جمعرات کو اپنے بیان میں شہباز شریف نے کہا کہ مفتاح اسماعیل نے ملکی معیشت کی بہتری اور ملک قوم کے بہترین مفاد میں خدمات انجام دیں ، عاقبت نا اندیش حکومت ہر باصلاحیت شخص کو جیل میں ڈال رہی ہے اور ہر کھری آواز کو خاموش کرایا جایا رہا ہے ۔ انہوں نے کہا کہ شاہد خاقان عباسی نے ملک سے سے گیس کے بحران کا خاتمہ کیا، خواجہ سعد رفیق نے ریلوے ٹھیک کی وہ تمام لوگ جیل میں ہیں جنہوں نے نیک نیتی، ایمانداری اور خلوص نیت سے ملک و قوم کی خدمت کی ہے۔ انہوں نے کہا کہ حکومت گرفتاریاں پہلے کر رہی ہے اور مقدمات بعد میں قائم بنائے جا رہے ہیں جس سے اس سیاسی انتقام کی قلعی کھل جاتی ہیں مفتاح اسماعیل کی گرفتاری سے پروفیشنلز اور کاروباری برادری کو منفی پیغام دیا گیا ہے ۔ مفتاح اسماعیل کو اس لئے گرفتار کیا گیا کیونکہ وہ حکومت کی نالائقیوں اور نااہلیوں کو بے نقاب کررہے تھے ۔ شہباز شریف نے کہا کہ موجودہ حکومت کا فسطائیت رویہ یہ ہے کہ اسے جو بھی آئینہ دکھائے گا وہ جیل جائے گا جعلی مقدمات اور گرفتاریوں سے ڈر کر ہم قوم کو سچ بتانا نہیں چھوڑیں گے۔ (ن غ)
