آئی ایم ایف سے مذاکرات، وزیراعظم نے مالیاتی امور پر (کل) اہم اجلاس طلب کر لیا

اسلام آباد(زیبائے پاکستان آئی این پی ) آئی ایم ایف سے مذاکرات اور ٹیکس ایمنسٹی اسکیم کے معاملے پر وزیراعظم نے (کل)پیر کو مالیاتی امور اجلاس طلب کرلیا۔ اجلاس میں آئی ایم ایف سے مذاکرات اور ٹیکس ایمنسٹی اسکیم کا معاملہ زیر غور آئے گا جب کہ مالیاتی امور پر بریفنگ بھی دی جائے گی۔ بریفنگ میں کابینہ اور پارٹی کے اراکین قومی اسمبلی شریک ہوں گے جب کہ مشیر خزانہ حفیظ شیخ سمیت حکومتی معاشی ٹیم کے ارکان بھی شرکت کریں گے۔