کورونا وائرس ،ملک بھر میں مریضوں کی تعداد 37 ہزار سے تجاوز، 803 افراد جاں بحق

0

اسلام آباد : ملک بھر میں کورونا کے مصدقہ کیسز کی تعداد37 ہزار 209 ہوگئی جب کہ 803 افراد جاں بحق، 10 ہزار 155 افراد صحت یاب ہوچکے۔نیشنل کمانڈ اینڈ کنٹرول سینٹر کے جاری کردہ اعداد وشمار کے مطابق ملک بھر میں گزشتہ 24 گھنٹے کے دوران کورونا کے 13 ہزار 700 ٹیسٹ کیے گئے جس کے بعد کورونا کے مجموعی طور پر 3 لاکھ 44 ہزار 450 ٹیسٹ کیے جاچکے ہیں۔گزشتہ 24 گھنٹوں کے دوران کورونا کے 1430 نئے کیس سامنے آئے جس کے بعد مصدقہ کیسزکی تعداد 37 ہزار 209 ہوگئی۔ ان میں سے 10 ہزار 155 افراد صحت یاب ہوچکے ہیں جب کہ فعال کیسز کی تعداد 26 ہزار 260 ہے۔اعداد و شمار کے مطابق پنجاب میں 13 ہزار 914، سندھ میں 14 ہزار 99، خیبر پختونخوا میں 5 ہزار 423، بلوچستان میں 2 ہزار 310، اسلام آباد میں 866، گلگت بلتستان میں 501 جب کہ آزاد جموں کشمیر میں کورونا کے مجموعی کیسز کی تعداد 105 ہوگئی ہے۔پاکستان میں 24 گھنٹے کے دوران کورونا سے 33 اموات ہوئیں، جس کے بعد ملک میں ہونے والی اموات کی تعداد 803 ہوگئی ہے جب کہ 300 مریضوں کی حالت تشویش ناک ہے۔

Leave A Reply

Your email address will not be published.