افغان امن کے حصول کی حمایت جاری رکھیں گے، پاکستان

0

واشنگٹن:  امریکا میں پاکستان کے سفیر ڈاکٹر اسد مجید خان نے کہا ہے کہ ہے کہ پاکستان نے انتہائی سنجیدگی اور اخلاص سے افغانستان میں امن کے قیام کے لیے کوششیں کی ہیں اور وہ اس مقصد کے حصول کے لیے اپنا تعاون جاری رکھے گا۔واشنگٹن میں ایک امریکی تھنک ٹینک کو دیئے گئے انٹرویو میں ڈاکٹر اسد مجید خان نے کہا کہ امریکا اور طالبان کے مابین طے پانے والا معاہدہ ایک سنگ میل کی حیثیت رکھتا ہے، یہ معاہدہ ظاہر کرتا ہے کہ افغان فریقین بھی آپس میں امن کی خاطر مل کر کام کر سکتے ہیں، افغانستان میں دیرپا امن کا قیام اسی وقت ممکن ہے جب افغان حکومت اور طالبان اسے مشترکہ مقصد سمجھ کر امن عمل کو آگے بڑھائیں گے۔اسد مجید خان نے کہا کہ پاکستان کی سیاسی اور عسکری قیادت اس بات پر یقین رکھتی ہے کہ کسی بھی فرد یا گروہ کو پاکستان کی سرزمین خطے میں دوسرے ممالک کے خلاف استعمال کرنے کی اجازت نہیں ہونا چاہیے۔ پاکستان نے افغانستان سے ملحقہ سرحد پر حقانی گروپ سمیت جنگجوں اور دہشت گردوں کے خلاف بہت سی کارروائیاں کیں اور اب پاکستان کے قبائلی علاقوں کو دہشت گردی گردوں سے پاک کر دیا گیا ہے،اس علاقے کو قومی دھارے میں شامل کر لیا گیا ہے۔

Leave A Reply

Your email address will not be published.