امریکا اسرائیل کے علاوہ کسی سے مخلص نہیں، مہاتیر نے امریکی دھوکا دہی کا پردہ چاک کر دیا

0

کوالالمپور: ملائیشیا کے سابق وزیر اعظم مہاتیر محمد نے انکشاف کیا ہے کہ امریکہ نے ملائیشیا پر ایف 16 طیاروں کو اس کے مخصوص کوڈ اور ضروری وسائل کے بغیر فروخت کیا اور امریکہ اسرائیل کے علاوہ تمام ملکوں کے ساتھ یہی کام کرتا ہے۔بین الاقوامی خبر رساں ادارے کی رپورٹ کے مطابق ملائیشیا کے سابق وزیر اعظم مہاتیر محمد نے کہا ہے کہ امریکہ سے ایف 16 طیارے خریدنے اور تحویل میں لینے کے بعد ہم پر انکشاف ہوا کہ امریکہ نے ایف 16 طیاروں کو اس کے مخصوص کوڈ اور ضروری وسائل کے بغیر فروخت کیا جس کی وجہ سے اب ملائیشیا ایف 16 طیاروں سے مکمل طور پر فائدہ اٹھانے سے قاصر ہے۔مہاتیر محمد کا کہنا تھا کہ اگر ان طیاروں کے تما آپشنز سے ہم فائدہ اٹھانا چاہئیں تو ہمیں اس کیلئے دوبارہ امریکہ جانا پڑے گا تاکہ امریکہ کے انجینئیر ایف 16 طیاروں کیلئے پروگرامنگ کریں جس پر کافی اخراجات آئیں گے اور یہ تمام اخراجات ملائیشیا کے ذمہ ہیں۔واضح رہے کہ مہاتیر محمد 1981 سے 2003 تک اور پھر 2018 میں ملائیشیا کے وزیر اعظم رہے جس کے بعد 2020 میں انہوں نے اپنے عہدے سے استعفیٰ دیا۔

Leave A Reply

Your email address will not be published.