کرونا وائرس ،یو اے ای نے غیر ملکی پروازوں کے ملک میں داخلے پر پابندی عائد کردی

0

کراچی(این این آئی) متحدہ عرب امارات نے غیر ملکی پروازوں کے ملک میں داخلے پر پابندی عائد کردی۔ذرائع کے مطابق متحدہ عرب امارات کے اعلان کے وقت پی آئی اے کی تین پروازیں یو اے ای کی فضائی حدود میں موجود تھیں جن کی دبئی ائیرپورٹ پر لینڈنگ کیلئے حکام سے درخواست کی گئی۔ذرائع نے بتایا کہ یہ تینوں پروازیں جمعرات کی صبح لاہور، اسلام آباد اور کراچی سے روانہ ہوئی تھیں۔ذرائع کے مطابق متحدہ عرب امارات کے اعلان کے بعد پی آئی اے نے یو اے ای کیلئے اپنی آئندہ پروازیں منسوخ کردی ہیں۔ذرائع کے مطابق پی آئی اے متحدہ عرب امارات میں موجود پاکستانیوں کو وطن واپس لانے کے لیے پانچ فیری فلائٹس چلائے گی۔واضح رہے کہ دنیا بھر میں کورونا وائرس کے متاثرہ مریضوں کی تعداد 2 لاکھ سے تجاوز کرگئی جبکہ ہلاکتیں تقریباً 9 ہزار ہیں۔اس کے علاوہ کئی ممالک سے وائرس سے بچنے کے لیے اپنی سرحدوں کو بند کردیا اور غیر ملکی فلائٹس کے ملک میں داخلے بند کردیے ہیں۔

Leave A Reply

Your email address will not be published.