کراچی ،دھابیجی پمپنگ اسٹیشن پر بجلی کا بریک ڈاؤن، پانی فراہم کرنے والی لائن پھٹ گئی

کراچی ،دھابیجی پمپنگ اسٹیشن پر بجلی کا بریک ڈاؤن، پانی فراہم کرنے والی لائن پھٹ گئی

کراچی(زیبائے پاکستان آن لائن)دھابیجی پمپنگ اسٹیشن پر بجلی کے بریک ڈاؤن کے باعث کراچی کو پانی فراہم کرنے والی 72 انچ قطر کی لائن بیک پریشر کے باعث پھٹنے سے شہر کو پانی کی فراہمی معطل ہو گئی۔ دھابیجی پمپنگ اسٹیشن پر بجلی کے بریک ڈاؤن کے باعث کراچی کو پانی فراہم کرنے والی 72 انچ قطر کی پائپ لائن نمبر 5 پھٹ گئی۔ پائپ لائن بیک پریشر کے نتیجے میں پھٹی جس کے باعث کراچی کو پانی کی فراہمی معطل ہو گئی۔واٹر بورڈ حکام کا کہنا ہے کہ بجلی کے بریک ڈاؤن کے باعث پانی کی لائن پھٹنے سے کراچی کو پانی کی فراہمی جزوی طور پر معطل ہے۔حکام کے مطابق اب تک 20 ملین گیلن پانی کراچی کو کم فراہم کیا گیا ہے، انجینئرز اور تیکنیکی عملے نے بھاری مشینری کی مدد سے پانی کی پائپ لائن کی مرمت کا کام شروع کر دیا ہے۔واٹر بورڈ کے حکام نے کراچی کے شہریوں سے پانی احتیاط سے استعمال کرنے کی ہدایت کی ہے۔

اپنا تبصرہ بھیجیں