بھارتی مظالم، پاکستانی اکانٹس کی معطلی پر پی ٹی اے کا ٹوئٹر انتظامیہ سے رابطہ

بھارتی مظالم، پاکستانی اکانٹس کی معطلی پر پی ٹی اے کا ٹوئٹر انتظامیہ سے رابطہ

اسلام آباد(زیبائے پاکستان آئی این پی ) کشمیریوں کے حق میں اور بھارتی افواج کے ظلم و ستم کے خلاف پاکستانی صارفین کی طرف سے اظہار رائے پر پاکستانی صارفین کے ٹوئٹر اکانٹس کی معطلی پر پی ٹی اے نے ٹوئٹر انتظامیہ کو اپنے خدشات سے آگاہ کردیا۔بھارتی مقبوضہ جموں و کشمیر میں مبینہ طور پر کشمیریوں کے حق میں اور بھارتی افواج کے ظلم و ستم کے خلاف پاکستانی صارفین کی طرف سے اظہار رائے پر پاکستانی صارفین کے ٹوئٹر اکانٹس کی معطلی پر پاکستان ٹیلی کمیونیکیشن اتھارٹی (پی ٹی اے) نے ٹوئٹر انتظامیہ کو اپنے خدشات سے آگاہ کیا۔ پی ٹی اے نے کہا کے یہ اقدام ٹوئٹر کی پالیسی اور معا شرتی معیار کے خلاف اور آزادی اظہار رائے کو دبانے کی ایک کوشش ہے۔پی ٹی اے شعبہ تعلقات عامہ کی طرف سے اعلان کیا گیا ہے کہ ایسے پاکستانی صارفین جن کے اکائونٹ ٹوئٹر انتظامیہ نے معطل کر دیئے ہوں وہ اس ای میل پر رابطہ کر سکتا ہے [email protected]۔

اپنا تبصرہ بھیجیں