ریاض: سعودی عرب کے شاہی خاندان کی اہم ترین شہزادی گزشتہ 7 ماہ سے لاپتہ ہیں جن سے متعلق خدشات ظاہر کیے جا رہے ہیں کہ انہیں سعودی حکام نے مبینہ طور پر گھر میں نظر بند کر رکھا ہے۔سعودی عرب کے بانی عبدالعزیز بن عبدالرحمن آل سعود کے بڑے صاحبزادے اور سعودی عرب کے سابق بادشاہ سعود بن عبدالعزیز آل سعود کی صاحبزادی شہزادی بسمہ بنت سعود رواں برس مارچ سے لاپتہ ہیں۔جرمن نشریاتی ادارے ڈی ڈبلیو نے اپنی رپورٹ میں ذرائع سے بتایا کہ سعودی عرب میں انسانی حقوق اور بہتر قوانین بنانے کے لیے متحرک رہنے والی شہزادی بسمہ بنت سعود کو آخری بار مارچ 2019 میں دیکھا گیا تھا۔رپورٹ میں بتایا گیا کہ اگرچہ اس بات کی تصدیق نہیں ہوسکی کہ بسمہ بنت سعود کو سعودی حکمرانوں نے گھر میں نظر بند کیا ہے، تاہم شہزادی کے قریبی ذرائع کا کہنا تھا کا انہیں یقین ہیکہ بسمہ کو نظر بند کرلیا گیا۔رپورٹ کے مطابق اس بات کے قوی امکانات موجود ہیں کہ بسمہ بنت سعود کو ان کی جواں سالہ بیٹی سمیت حکومتی ایما پر نظر بند کرلیا ہوگا اورایسا ممکن ہی نہیں کہ حکومت کے اعلی عہدیداروں کو شہزادی کے لاپتہ ہونے کا علم نہ ہو۔رپورٹ میں شہزادی بسمہ بنت سعود کے ایک امریکی وکیل کا بھی حوالہ دیا گیا ہے کہ انہوں نے شہزادی کو دسمبر 2018 میں علاج کے لیے سعودی عرب سے بیرون ملک جانے کی اجازت دلوادی تھی اور سعودی حکام نے انہیں ابتدائی طور پر اجازت بھی دی تھی، تاہم بعد ازاں ان کے طیارے کو اڑنے نہیں دیا گیا اور شہزادی کو تحویل میں لے لیا گیا۔رپورٹ کے مطابق اگرچہ شہزادی دسمبر 2018 کے بعد دکھائی نہیں دیں، تاہم ذرائع کا کہنا ہے کہ مبینہ طور پر شہزادی بسمہ کو مارچ 2019 کے بعد کسی محل میں قید یا نظر بند کردیا گیا ہوگا۔رپورٹ میں شہزادی کے کچھ اور قریبی ذرائع کا حوالہ دیتے ہوئے بتایا گیا کہ سعودی حکام نے کچھ عرصہ قبل بسمہ بنت سعود کے ملک سے فرار ہونے کی کوششوں سے متعلق بھی تحقیقات کی تھیں، تاہم حکام کو اس بات کے ثبوت نہیں ملے کہ شہزادی فرار ہونا چاہتی تھیں۔رپورٹ میں اس بات کا بھی خدشہ ظاہر کیا گیا کہ ممکنہ طور پر شہزادی کو ذاتی وجوہات کی بنا پر نظر بند کیا گیا ہوگا، تاہم اس بات کی تصدیق نہیں کی جا سکی کہ شہزادی کو نظر بند کیا گیا ہے یا نہیں۔
اہم خبریں
مزید پڑھیں
Load/Hide Comments
آج کا اخبار
مزید پڑھیںاشتہارات
تعلیم و صحت
مزید پڑھیںحالیہ پوسٹس
جمہوریت کی مضبوطی کے لیے سیاست دانوں کو قربانی دینی پڑتی ہے، آصف زرداری
دسمبر 14, 2019اٹارنی جنرل انور منصور خان کو عہدے سے ہٹانے کیلئے آئینی درخواست دائر کر دی گئی
دسمبر 14, 2019نواز شریف کی العزیزیہ ریفرنس میں سزا کے خلاف اپیل 18 دسمبر کو سماعت کے لیے مقرر
دسمبر 14, 2019نواز شریف کو ایک نہیں کئی بیماریوں کا سامنا، لندن میں طبی معائنہ
دسمبر 14, 2019عمران خان کا سری لنکا کے خلاف ہوم سیریز پر اظہار مسرت
دسمبر 14, 2019شکر گڑھ،بھارت کی بی ایس ایف نے ذہنی معذور شخص کی جان لے لی
دسمبر 14, 2019تجارت کے نام پر منی لانڈرنگ کی کڑی نگرانی کی جارہی ہے، رضاباقر
دسمبر 14, 2019عوام انسداد پولیو مہم کے ذریعے اس موذی مرض پر قابو پانے میں کر دار کریں ، فردوس عاشق اعوان
دسمبر 14, 2019غر بت اور لا قانو نیت کا خا تمہ حکومت کی تر جیح ہے‘ ڈاکٹر شاہد صد یق
دسمبر 14, 2019