اسلام آباد (زیبائے پاکستان آن لائن) اداکارہ کبری خان نے کہا کہ وہ آرٹ کی ٹیچر بننا چاہتی تھیں۔ کبریٰ خان نے انٹرویو کے دوران کہا کہ ان کو آرٹ ٹیچر بننے کا بہت شوق تھا اور اگر وہ ٹیچر ہوتی تو آرٹ کی بہترین ٹیچر کہلاتیں۔انہوں نے انکشاف کیا کہ وہ کوکنگ اور بیکینگ بھی کرتی ہیں اور اکثراپنے لئے کھانا خود بناتی ہیں۔ ان کا کہنا تھا کہ فلم ’’جوانی پھر نہیں آنی‘‘ میں کام کرنا ان کے کریئر کا بہترین موقع تھا جس پر انہیں آج بھی فخر محسوس ہوتا ہے۔ کبریٰ خان فلم ’’سپر سٹار‘‘ میں مختصر کردار ادا کررہی ہیں۔ فلم عیدالاضحیٰ کے موقع پر ریلیز کی جائے گی۔
